Á clase de 1º gústannos moito os artrópodos!

Imos explicarvos por que nos gustan tanto os artrópodos á clase de 1º.
Todo empezou cando a Universidade de Vigo nos mandou unha carta por si queriamos construír un artrópodo.
E SI QUERIAMOS!!

Tiñamos un problema gordo: non sabiamos o que era un artrópodo e buscamos en google imaxes.
Eliximos por parellas o noso artrópodo favorito.

Antón e Ían están buscando imaxes do seu artrópodo favorito.

Esta libeliña, tamén chamada cabaliño do demo, gústanos moito.

A profe Ana díxonos que contestásemos por parellas unhas preguntas sobre o noso artrópodo favorito, algunhas eran fáciles e outras difíciles.



(Preme na imaxe se queres vela a tamaño grande)

Revisámolas entre todos/as e cambiamos as cousas coas que non estabamos de acordo. Nalgunhas preguntas poñíamos interrogacións porque non sabiamos a resposta.
Temos que buscalas en libros, folletos, internet...

Tiñamos outro problema moi gordo, atopamos un artrópodo moi raro e non sabiamos como se chamaba.

????

O profe Xose é apicultor, como el sabe moito das abellas, escribimos unhas cantas preguntas para que nos conteste:

• ¿Como se fabricaron as abellas?
• ¿Como nacen?
• ¿Fan caca ou non?
• ¿Como sobreviven?
• ¿Como morren?
  
• ¿Como fan o mel?
• ¿Como fan as colmeas?
• ¿Como se defenden?
  
• ¿Como fan para picar? ¿Por que pican?
• ¿Pelexan entre elas?
• ¿As bolboretas e as abellas son inimigas?
  
• ¿Son boas ou malas?
• ¿Son bonitas ou feas?
• ¿Como levan o pole? ¿Onde o levan?

(Continuará)

Axiña vos daremos información sobre o estrano artrópodo :-)

Redactores/as da entrada:

Nenos e nenas de 1º de Primaria